పవర్ స్టార్ సినిమా చూస్తే బిర్యానీ ఫ్రీ. అలాగని పవర్ స్టార్ పవన్ కళ్యాణ్ సినిమా అనుకునేరు. ఈ మేటరు కన్నడ పవర్ స్టార్ పునీత్ రాజ్ కుమార్ సినిమా గురించి. పునీత్‌ రాజ్‌కుమార్, రాధికా పండిట్‌లు జంటగా నటించిన చిత్రం 'దొడ్మనేహుడుగ'. దునియా సూరి దర్శకుడు. ఈ చిత్రం భారీ అంచనాల మధ్య సెప్టెంబర్ 30న ప్రేక్షకుల ముందుకు రానుంది.ఈ సందర్భంగా అభిమానులు వినూత్న ఆఫర్‌ ప్రకటించింది చిత్రబృందం. 'దొడ్మనేహుడుగ' వీక్షించే ప్రేక్షకులకి బిర్యానీ, లడ్డూలని ఫ్రీగా పంపిణీ చేయనున్నారు. అదీ కూడా.. మొదటి షోని వీక్షించే ప్రేక్షకులకు మాత్రమే. ఈ చిత్రంలో హీరో పునీత్‌ రాజ్‌కుమార్‌ రోడ్డుపై బిరియానీ తయారు చేసే పాత్రలో కనిపించనున్నాడు.అందుకే.. ఫ్రీ బిర్యానీ పంపిణీని తెరపైకి తీసుకొచ్చారు. మొత్తానికి.. పవర్ స్టార్ సినిమా చూస్తే..బిర్యానీ ఫ్రీ గా పొందవచ్చన్నమాట.