మనామా: వాసర్షిక ట్రాఫిక్‌ నిబంధనల ఉల్లంఘనల లిమిట్‌ని అధిగమించిన ఐదుగురు డ్రైవర్లకు చెందిన లైసెన్సుల్ని రద్దు చేసినట్లు జనరల్‌ డైరెక్టరేట్‌ ఆఫ్‌ ట్రాఫిక్‌ వెల్లడించింది. యాక్టింగ్‌ డైరెక్టర్‌ - జనరల్‌ ఆఫ్‌ ట్రాఫిక్‌ లెఫ్టినెంట్‌ కల్నల్‌ మొహమ్మద్‌ అలి దరాజ్‌ మాట్లాడుతూ, లైసెన్సులు రద్దు చేయబడిన ఐదుగురు వ్యక్తులు ఒక్కొక్కరు 20 ట్రాఫిక్‌ నిబంధనల ఉల్లంఘనల పాయింట్లను దాఓటినందున చర్యలు తీసుకున్నట్లు చెప్పారు. అక్రమ డ్రాగ్‌ రేసింగ్స్‌, కార్‌ స్టంట్స్‌, జంపింగ్‌ రెడ్‌ సిగ్నల్స్‌ అలాగే ఓవర్‌ స్పీడింగ్‌ వంటి చర్యలకు సదరు డ్రైవర్లు పాల్పడినట్లు వివరించారు. వీరిలో బహ్రెయినీలు, ఆసియాకి చెందినవారు ఉన్నారు. వీరిలో కొందరు పదే పదే నిబంధనల్ని ఉల్లంఘించారు. కొందరు ఒకే నిబంధనని మళ్ళీ మళ్ళీ ఉల్లంఘించారు. రోడ్లపై వాహనాలు నడిపేవారు ట్రాఫిక్‌ నిబంధనలు పాటించాలనీ, తద్వారా చట్టపరమైన శిక్షలు తప్పించుకోగలుగుతారనీ, అలాగే ప్రమాదాలకు లోనుకారని అల్‌ దరాజ్‌ చెప్పారు.