కువైట్‌: మినిస్ట్రీ ఆఫ్‌ ఇంటీరియర్‌ - రిలేషన్స్‌ నఅండ్‌ సెక్యూరిటీ మీడియా డైరెక్టర్‌ బ్రిగేడియర్‌ అదెల్‌ అహ్మద్‌ అల్‌ హషాష్‌ మాట్లాడుతూ, సెక్యూరిటీ సెక్టార్స్‌ని అప్రమత్తంగా ఉంచామనీ, కొత్త విద్యా సంవత్సరం ప్రారంభమవుతుండడంతో సెక్యూరిటీ ప్లాన్‌ విషయంలో అనేక కొత్త చర్యలు తీసుకున్నామని వివరించారు. 486 పోలీస్‌ పెట్రోల్స్‌ని పలు స్ట్రీట్స్‌లో, స్కూల్స్‌ వద్ద ఏర్పాటు చేసి, ట్రాఫిక్‌ ఇబ్బందులు లేకుండా చూడనున్నామని అన్నారు. అలాగే ట్రాఫిక్‌ లైట్‌ టైమింగ్స్‌ని కూడా పరిస్థితులకు అనుగుణంగా మార్చుతారు. సీనియర్‌ సెక్యూరిటీ అధికారుల్ని ఈ మేరకు ప్రత్యేక అధికారులుగా నియమించి, పరిస్థితుల్ని మానిటరింగ్‌ చేసేలా చర్యలు తీసుకుంటున్నారు. ఇంకో వైపున కాంటాజియస్‌ డిసీజ్‌తో బాధపడుతున్న 25 ఏళ్ళ ఫిలిప్పీన్‌కి చెందిన వ్యక్తిని సాల్మియా స్పాలో అరెస్ట్‌ చేశారు. అలాగే, అరబ్‌ వలసదారులు ఇద్దర్ని 10 కువైట్‌ దినార్స్‌ రెవెన్యూ స్టాంప్స్‌ని సగం ధరకే విక్రయించేందుకు ప్రయత్నిస్తుండగా పోలీసులు అదుపులోకి తీసుకున్నారు. ఇవి ఫేక్‌ స్టాంప్స్‌గా గుర్తించారు. ఇదిలా ఉండగా కింగ్‌ అబ్దుల్‌ అజీజ్‌ ఎక్స్‌ప్రెస్‌ వే పైన ఓ బస్సు ఓవర్‌టర్న్‌ చేస్తుండగా జరిగిన ప్రమాదంలో ఆసియాకి చెందిన ఇద్దరు వ్యక్తులు తీవ్రంగా బాధపడ్డారు. మరో ఐదుగురు చిన్నపాటి గాయాలతో బయటపడ్డారు. గాయపడ్డవారిని ఆసుపత్రికి తరలించారు.