మల్టీ టాలెంటెడ్ యాక్ట్సెస్ సునీత ప్లే బ్యాక్ సింగర్ గా, యాంకర్ గా, డబ్బింగ్ ఆర్టిస్ట్ గా టాలీవుడ్ లో మంచి పేరు సంపాదించుకుంది. శేఖర్ కమ్ముల తెరకెక్కించిన అనామిక చిత్రం ద్వారా వెండి తెరపై మెరిసిన సునీత ఇటీవల రాగం అనే షార్ట్ ఫిలిం లో నటించింది. ఇందులో సునీత పాత్ర జర్నలిస్టు అని తెలుస్తుంది. ఇక త్రివిక్రమ్ సినిమాలోను సునీత నటించనుందంటూ ఆ మధ్య వార్తలొచ్చాయి. అందం, అభినయం ఉన్నా కూడా నటనపై పెద్దగా ఆసక్తి చూపించని సునీత తాజాగా స్త్రీల సమస్యలపై పోరాటం చేయబోతున్న పాత్రలో నటించి మెప్పించేందుకు రెడీ అయింది. 'రాగం' పేరుతో తెరకెక్కిన ఈ షార్ట్ ఫిలిం తన లైఫ్‌కి దగ్గరగా ఉంటుందని, అందువల్లే చాలా సీన్స్‌ను సింగిల్ టేక్‌లో చేశానని అంటోంది.ఆ పిక్చర్ లో తన పాత్రకు పాటలు కూడా ఉన్నాయని తెలిపింది సునీత. ఇంకా ఈ సినిమాకు ఎక్కువ మంది మహిళలే పనిచేశారట. అక్టోబర్ 1న రాగం ప్రీమియర్ షోని ప్రదర్శించనున్నారట.