కువైట్‌: మినిస్ట్రీ ఆఫ్‌ ఫైనాన్స్‌, సోషల్‌ మీడియా ద్వారా వేతనాల తగ్గింపుపై జరుగుతున్న ప్రచారాన్ని ఖండించింది. ఫైనాన్స్‌ మినిస్ట్రీ అధికారిక ప్రతినిథి ఈ మేరకు స్పష్టతనిచ్చారు. సివిల్‌ సర్వెంట్స్‌కి ఇస్తున్న వేతనాలు లేదా సౌకర్యాల విషయంలో కోతలు విధించాలన్న ఆలోచనలు ఏమీ ప్రస్తుతానికి లేవని వివరించారాయన. అయితే వేతనాల్ని పెంచేందుకు మాత్రం కొన్ని చర్చలు జరుగుతున్న మాట వాస్తవం అనీ, తక్కువ వేతనాలు పొందుతున్నవారికి సంబంధించి వేతనాల పెంపు అంశాన్ని పరిశీలిస్తున్నట్లు ఆ వర్గాలు స్పష్టం చేశాయి. అలాగే, పౌరులకు మరిన్ని మెరుగైన సేవలు అందించడానికి మినీస్ట్రీ తగిన చర్యలు తీసుకుంటోందని మినిస్ట్రీ వర్గాలు తెలిపాయి.