అమెరికాలోని పాకిస్థానీయులు భారత్‌కు వ్యతిరేకంగా ఆన్‌లైన్ పిటిషన్ వేశారు. అమెరికా అధ్యక్షుడి అధికార నివాసమైన వైట్ హౌస్ వెబ్‌సైట్లో దీన్ని నమోదు చేశారు. భారత్ ఉగ్రవాదాన్ని ప్రోత్సహిస్తోందని, సరిహద్దు దేశాలతో, ముఖ్యంగా పాకిస్థాన్‌తో యుద్ధానికి కాలు దువ్వుతోందని అందులో పేర్కొన్నారు.

పాకిస్థాన్‌ను ఉగ్ర దేశంగా ప్రకటించాలన్న ఆన్‌లైన్ పిటిషన్‌కు కౌంటర్‌గా దీన్ని ఓపెన్ చేశారు. సెప్టెంబర్ నెలలో ప్రారంభమైన ఈ ఆన్‌లైన్ పిటిషన్‌కు మద్దతుగా ఇప్పటి వరకు 64,000 మంది సంతకాలు చేశారు. ఈ సంఖ్య లక్ష చేరితే అమెరికా ఒబామా కార్యాలయం దీనిపై స్పందిస్తుంది.