హరికేన్ మాథ్యూ హైతీని గడగడలాడించింది. ఈ తుపాన్ ధాటికి 20 మంది మృతి చెందారు. ఆస్తి నష్టాన్ని అంచనా వేయాల్సి ఉందని అధికారులు అన్నారు. హరికేన్ ప్రస్తుతం క్యూబా వద్ద కేంద్రీకృతమై ఉంది. నైరుతి హైతీ మొత్తం హరికేన్ ప్రభావానికి లోనైంది. దాదాపు 4 రోజులు భయపెట్టిన తర్వాత హరికేన్ తీరం దాటింది. గంటకు 150 కిలోమీటర్ల వేగంతో గాలులు వీచాయి. 50 ఏళ్లలో ఇంతటి హరికేన్ చూడలేదని హైతీ తుపాన్ హెచ్చరికల కేంద్రం తెలిపింది. హరికేన్ దెబ్బకు చెట్లు నేలకూలాయి. ఇళ్లు, వంతెనలు, రోడ్లు దెబ్బతిన్నాయి. మారుమూల ప్రాంతాల్లో పరిస్థితిని అంచనా వేయాల్సి ఉందని అధికారులు చెప్పారు. హుటాహుటిన తాత్కాలిక శిబిరాలు ఏర్పాటు చేసి ప్రజలకు సాయం చేస్తున్నారు.