తమిళ హీరో శింబు ఆధిక్ రవిచంద్రన్ డైరెక్షన్ లో 'ఏఏఏ' అనే సినిమా చేస్తున్న సంగతి తెలిసిందే . ఈ చిత్రం వెరైటీ స్టోరీతో సైంటిఫిక్ థ్రిల్లర్ గా సాగనుండగా ఈ సినిమా పూర్తి పేరు 'అన్బానవన్..అసరాదవన్...అడంగాదవన్'. అంటే ... ప్రేమించేవాడు, భయపడనివాడు, లొంగనివాడు అని అర్ధం. ఈ చిత్రంలో శింబు మూడు ప్రధాన పాత్రలలో కనిపించనుండగా 90 కిలోల బరువుగల 60 యేళ్ల వృద్ధుడి పాత్రకు సంబంధించిన లుక్ ని తాజాగా విడుదల చేశారు. ఆ పాత్ర పేరు అశ్విన్ తాతా కాగా ఈ లుక్ కోసం శింబు ఎన్నో కసరత్తులు చేసాడు. వైద్యుల పర్యవేక్షణలో తగిన జాగ్రత్తలు తీసుకుంటూ బరువు పెరిగాడు. ఇక ఈ చిత్రంలో కథానాయికలుగా తమన్నా , శ్రియ కనిపించనున్నారు.

తాజాగా చిత్రానికి సంబంధించి టీజర్ ని విడుదల చేశారు. ఈ టీజర్ లో మదన మైకెల్ క్యారెక్టర్ ని మాత్రమే చూపించారు. ఇక త్వరలోనే ఈ చిత్రాన్ని థియేటర్లలోకి తెచ్చే ప్రయత్నం చేస్తున్నారు. మరి తాజాగా విడుదలైన టీజర్ పై మీరు ఓ లుక్కేయండి.