టాలీవుడ్ డైరెక్టర్లలో ఒకడిగా వెలిగిపోతోన్న త్రివిక్రమ్ శ్రీనివాస్ తనలోని మరోకోణాన్ని బయటపెట్టబోతున్నాడు. డైలాగ్ రైటర్ గా ఉంటూ.. డైరెక్టర్ గా మారాడు. ఇప్పడు మరో అడుగుముందుకేసి నిర్మాతగా మారబోతున్నాడు. విజయ్ దేవరకొండ హీరోగా ఒక సినిమాని ప్లాన్ చేస్తున్నాడు త్రివిక్రమ్.
పెళ్లిచూపులు సినిమాతో తనకంటూ ఓ క్రేజ్ తెచ్చుకున్న విజయ్, ప్రస్తుతం ద్వారకా, అర్జున్ సినిమాలు చేస్తున్నాడు. ఇక ప్రస్తుతం త్రివిక్రమ్.. పవన్ సినిమా పనిలో బిజిగా ఉన్నాడు. ఈ ప్రాజెక్టుల అనంతరం విజయ్ తో సినిమా జరుగుతుందన్నది టాలీవుడ్ టాక్. డైరెక్టర్స్.. పూరి జగన్నాథ్, సుకుమార్ కూడా ఇటీవల నిర్మాతలుగా మారి తమ మార్క్ సినిమాలు నిర్మించిన సంగతి తెలిసిందే.