బాలీవుడ్‌ స్టార్‌ హీరో హృతిక్‌ రోషన్‌-రాకేష్‌ రోషన్‌ కాంబినేషన్లో వస్తున్న థ్రిల్లర్‌ 'కాబిల్‌'. గతంలో 'క్రిష్‌', 'క్రిష్‌ 3', 'కోయి మిల్‌ గయా', 'కహో నా ప్యార్‌ హై' వంటి సూపర్‌ హిట్‌ చిత్రాలను అందించిన ఈ కాంబినేషన్‌ ఇప్పుడు మళ్లీ 'కాబిల్‌'తో ప్రేక్షకుల ముందుకు రాబోతోంది. ఈ చిత్రంలో హృతిక్‌ సరసన యామీ గౌతమ్‌ నటిస్తున్నారు. సంజయ్‌ గుప్తా దర్శకత్వం వహించిన ఈ చిత్రం ప్రపంచ వ్యాప్తంగా వచ్చే ఏడాది జనవరి 26న విడుదల అవుతోంది.

ఈ చిత్రాన్ని తెలుగులో కూడా భారీగా విడుదల చేయనున్నట్లు చిత్ర బృందం తెలిపింది.

గతంలో హృతిక్‌ నటించిన 'క్రిష్‌' చిత్రాలు, 'ధూమ్‌ 2' చిత్రం తెలుగులో విశేష ఆదరణ పొందిన సంగతి తెలిసిందే. హృతిక్‌కు ఆంధ్ర, తెలంగాణ రాష్ట్రాలలో మంచి ఫ్యాన్‌ ఫాలోయింగ్‌ ఉండటంతో సినిమాను తెలుగులో భారీగా విడుదల చేసేందుకు సిద్ధపడినట్లు నిర్మాతలు తెలిపారు.