సుదీప్‌, నిత్యామీనన్‌ జంటగా సి.ఎల్‌.ఎస్‌.మీడియా, లగడపాటి శ్రీనివాస్‌, గూడూరి గోపాల్‌శెట్టి సంయుక్తంగా నిర్మించిన చిత్రం 'కోటికొక్కడు'. కె.ఎస్‌.రవికుమార్‌ దర్శకత్వం వహించిన ఈ 'కోటికొక్కడు' వేడుక సోమవారం హైదరాబాద్‌లో వైభవంగా జరిగింది. అతిథిగా పాల్గొన్న దర్శకరత్న దాసరి నారాయణరావు ఆడియో బిగ్‌ సీడీని ఆవిష్కరించగా, ఆడియో సీడీలను దర్శకుడు సముద్ర విడుదల చేశారు. ఈ సందర్భంగా సముద్ర మాట్లాడుతూ,' నా దర్శకత్వం 'కాకతీయుడు' చిత్రాన్ని లగడపాటి శ్రీనివాస్‌ నిర్మించారు. కన్నడలో ఘనవిజయం సాధించిన 'కోటికొక్కడు' చిత్రం తెలుగులోనూ పెద్ద విజయం సాధించాలి' అని చెప్పారు.'సుదీప్‌ కెరీర్‌లో 'ఈగ' సినిమా ఎంత పెద్ద హిట్‌ అయ్యిందో అందరికీ తెలిసిందే. దాని తర్వాత ఆయన నటించిన ఈచిత్రం కన్నడలో సెన్సేషనల్‌ హిట్‌ సాధించింది. శోభారాణిగారు ఏ సినిమా చేసినా భారీ సినిమాలే ఉంటాయి. ఈ సినిమా కూడా తెలుగులో ఘనవిజయం సాధించాలని ఆశిస్తున్నాను' 
అని టి.రామసత్యనారాయణ చెప్పారు. ఈ కార్యక్రమంలో ప్రతాని రామకృష్ణగౌడ్‌, ప్రసన్నకుమార్‌, డి.ఎస్‌.రావు తదితరులు పాల్గొని చిత్ర విజయాన్ని ఆకాంక్షించారు.