దుబాయ్‌: డేరా క్రీక్‌ టవర్‌లో గురువారం మధ్యాహ్నం 2 గంటల సమయంలో సంభవించిన స్వల్ప అగ్ని ప్రమాదం కాస్సేపు, ఆ టవర్‌లో నివసిస్తున్నవారిని పరుగులు పెట్టించింది. సమాచారం అందుకున్న 10 నిమిషాల్లోనే దుబాయ్‌ సివిల్‌ డిఫెన్స్‌ అధికారులు ఘటనా స్థలికి చేరుకుని, మంటల్ని అదుపులోకి తీసుకురావడంతో పెను ప్రమాదం తప్పింది. జరిగింది చిన్న అగ్ని ప్రమాదమేనని ఈ సందర్బంగా సివిల్‌ డిఫెన్స్‌ ప్రతినిథులు వెల్లడించారు. భవనం నాలుగో ఫ్లోర్‌లో సంభవించిన అగ్ని ప్రమాదంతో భవనంలోని ఫైర్‌ సేఫ్టీ అలారమ్‌ మోగిందనీ, దాంతో అందరం ఆ భవనాన్ని ఖాళీ చేశామని రెసిడెంట్స్‌ తెలిపారు. సివిల్‌ డిఫెన్స్‌ సిబ్బంది భవనాన్ని పూర్తిస్థాయిలో తనిఖీ చేసిన తర్వాత, రెసిడెంట్స్‌ని ఆ భవనంలోకి అనుమతించారు. అగ్ని ప్రమాదానికి గల కారణాలు ఇంకా వెల్లడి కాలేదు.