కావలసినవి: ఓట్స్‌ - ఒక కప్పు, మీగడ తీసిన పాలు - ఒక కప్పు, యాలక్కాయ లేదా దాల్చిన చెక్క పొడి - కొద్దిగా, రోజ్‌ వాటర్‌ - రెండు టేబుల్‌ స్పూన్లు, బ్రౌన్‌ షుగర్‌ - అర కప్పు, కర్జూరాలు (ముక్కలు) - నాలుగు, వేగించిన డ్రైఫ్రూట్స్‌ ముక్కలు - కొన్ని.

 తయారీ: పాలను గిన్నెలో పోసి వేడిచేయాలి. తరువాత దాల్చిన చెక్క లేదా యాలక్కాయల పొడి, రోజ్‌ వాటర్‌ వేసి కాసేపు మరిగించాలి. తరువాత కర్జూర ముక్కలు, ఓట్స్‌ వేయాలి. ఓట్స్‌ ఉడికాక బ్రౌన్‌ షుగర్‌ వేయాలి. అది కరిగే వరకు గరిటెతో కలియతిప్పాలి. డ్రైఫ్రూట్స్‌ పలుకలతో అలంకరించి వేడివేడిగా తినాలి.