ఉత్తర్ప్రదేశ్‌లో విషాదం చోటుచేసుకుంది. వారణాశి- చందౌలి మధ్య రాజ్‌ఘాట్‌ వంతెనపై జరిగిన తొక్కిసలాటలో 14మంది మృతి చెందారు. బాబా జైగురుదేవ్‌ సభ సందర్భంగా జరిగిన ఈ తొక్కిసలాటలో పలువురు గాయపడ్డారు. ఘటనా స్థలంలో సహాయక చర్యలు కొనసాగుతున్నాయి.
ఈ విషాదంలో మృత్యువాత పడిన వారి కుటుంబాలకు యూపీ సీఎం అఖిలేష్‌ యాదవ్‌ తన ప్రగాఢ సానుభూతి తెలిపారు. మృతుల కుటుంబాలకు ఒక్కొక్కరికి రూ.2లక్షలు, తీవ్ర గాయాలపాలైన వారికి ఒక్కొక్కరికి రూ.50వేలు చొప్పున పరిహారం ప్రకటించారు.