మనామా: వింటర్‌ వస్తుండడంతో ఔత్సాహిక సైక్లిస్ట్‌లు జాగ్రత్తగా ఉండాల్సి ఉంటుంది. వాతావరణ మార్పుల కారణంగా సైక్లిస్టులు ప్రమాదాల బారిన పడే అవకాశం ఉంటుంది గనుక సైక్లిస్టులు తగిన జాగ్రత్తలు తీసుకోవాలి. సదరన్‌ ఏరియా మునిసిపల్‌ కౌన్సిల్‌ ఛైర్మన్‌ అహ్మద్‌ అన్సారి మాట్లాడుతూ, వింటర్‌ సీజన్‌లో సైక్లిస్టులు రద్దీగా ఉండే రోడ్లపై అప్రమత్తంగా ఉండాలని, సైకిల్స్‌తో ఎలాంటి స్టంట్స్‌ చేయకూడదని ఆయన హెచ్చరించారు. రోడ్లపై స్టంట్స్‌ చేసే సైక్లిస్టులపై తగిన చర్యలు ఉంటాయని ఆయన తెలిపారు. ఈ ఏడాది ఇప్పటిదాకా 8 మంది సైక్లిస్టులు మృతి చెందారు. పలువురు గాయాలపాలయ్యారు. సైక్లింగ్‌ని ప్రోత్సహించాల్సి ఉందనీ, సైక్లింగ్‌ ఆరోగ్యానికి ఎంతో మేలు చేస్తుందని, అయితే దాన్ని స్టంట్స్‌ కోసం వినియోగిస్తుండడంతోనే సమస్యలు వస్తున్నాయని ఆయన తెలిపారు.