జీవా హీరోగా, కాజల్‌ అగర్వాల్‌ హీరోయిన్‌గా రూపొందుతోన్న రొమాంటిక్‌ కామెడి ఎంటర్‌ టైనర్‌ 'కవలై వేండాం'. ఈ చిత్రాన్ని తెలుగులో 'ఎంత వరకు ఈ ప్రేమ'గా విడుదల చేస్తున్నారు. 'యామిరుక్క బయమేన్‌' ఫేమ్‌ డీకే దర్శకత్వంలో తెరకెక్కుతున్న ఈ చిత్రం ప్రస్తుతం నిర్మాణాంతర కార్యక్రమాలను జరుపుకుంటోంది. లియోన్‌ జేమ్స్‌ సంగీతం అందించిన ఈ సినిమా ఆడియో విడుదల కార్యక్రమాన్ని ఈనెల 27న విడుదల చేస్తున్నారు.

నిర్మాత డి.వెంకటేష్‌ మాట్లాడుతూ..'రంగం' ద్వారా గుర్తింపు పొందిన జీవా, స్టార్‌ హీరోయిన్‌ కాజల్‌ అగర్వాల్‌ కాంబినేషన్‌ అంటేనే మంచి అంచనాలు ఏర్పడ్డాయి. ప్రస్తుతం నిర్మాణాంతర కార్యక్రమాలు జరుగుతున్నాయి.

లియోన్‌ జేమ్స్‌ సంగీతం అందించిన పాటలు తమిళంలో విడుదలైన సక్సెస్‌ను సాధించాయి. తెలుగు ఆడియోను ఈనెల 27న నిర్వహిస్తున్నాం. సినిమాను రెండు భాషల్లో ఒకేసారి విడుదల చేయడానికి సన్నాహాలు చేస్తున్నాం' అన్నారు.