భారతీయ సినీ సంగీత ప్రియులకు పరిచయం అక్కర్లేని పేరు ఆమెది. మెలోడీ క్వీన్‌గా దేశవ్యాప్త గుర్తింపు దక్కించుకున్న ప్రముఖ గాయని శ్రియా ఘోషల్‌, దుబాయ్‌లో నిర్వహించనున్న లైవ్‌ కాన్సెర్ట్‌లో సందడి చేసింది. నెస్లె మంచ్‌ సమర్పిస్తోన్న ఈ కార్యక్రమం అక్టోబర్‌ 21న అంగరంగ వైభవంగా జరిగింది. రాత్రి 8.30 నిమిషాలకు ప్రారంభమైన లైవ్‌ కాన్సెర్ట్‌ సినీ సంగీత ప్రియుల్ని మరో ప్రపంచానికి తీసుకెళ్ళిందనడం అతిశయోక్తి కాదు. దుబాయ్‌ డ్యూటీ ఫ్రీ టెన్నిస్‌ స్టేడియంలో జరిగిన ఈ హై ఓల్టేజ్‌ లైవ్‌ కాన్సెర్ట్‌కి పెద్ద సంఖ్యలో ఔత్సాహికులు హాజరయ్యారు. పలు బాలీవుడ్‌ చిత్రాల్లోని పాటల్ని ఆలపించిన శ్రియా ఘోషల్‌, సంగీతాభిమానుల మనసుల్ని దోచుకుంది. ఆమె పాటలకు ఆహూతులు మైమర్చిపోయారు.ఈ ఈవెంట్ కి సైయద్ ఫహద్(PR & Social Media) ప్రచారకర్తగా వ్యవహరించారు.