ఎ. రవితేజ, అశ్విని చంద్రశేఖర్‌, భాను ప్రధాన పాత్రల్లో నటించిన చిత్రం 'ఆవు పులి మధ్యలో ప్రభాస్‌ పెళ్లి'. ఎస్‌.జె.చైతన్య దర్శకుడు. రవి పచ్చపాల నిర్మాత. వచ్చే నెల 4న ఈ చిత్రాన్ని విడుదల చేస్తున్నారు. ఈ సందర్భంగా ఆదివారం చిత్రబృందం హైదరాబాద్‌లో విలేకరుల సమావేశం ఏర్పాటు చేసింది. దర్శకుడు మాట్లాడుతూ ''ఇదో అందమైన ప్రేమకథ. సినీ నటుడు ప్రభాస్‌కీ ఈ కథకీ ఎలాంటి సంబంధం లేదు. మరి ఆ పేరు ఎందుకు పెట్టామన్నది తెరపైనే చూడాలి. 'బాహుబలి' ప్రభాకర్‌ నటన, ఆయన పాత్ర ఆకట్టుకొంటాయ''న్నారు.