సృజనాత్మక డైరెక్టర్లలో మొట్టమొదటి స్థానంలో నిలిచేది కృష్ణవంశీ. అందుకే అతడికి క్రియేటివ్ డైరెక్టర్ అన్న ట్యాగ్ పడింది. ప్రస్తుతం ఆ క్రియేటివ్ డైరెక్టర్ దర్శకత్వంలో రాబోతున్న సినిమా నక్షత్రం. ఈ సినిమాకు సంబంధించిన పోస్టర్లు, ఫస్ట్‌లుక్‌లు విడుదల చేయడంలోనూ కృష్ణవంశీ తన మార్క్ క్రియేటివిటీని ఉపయోగిస్తున్నాడనడంలో సందేహం లేదు. తాజాగా తన విలన్ ఫస్ట్‌లుక్ పోస్టర్‌ను రిలీజ్ చేశాడు కృష్ణవంశీ. ఆ విలన్ ఎవరో తెలిస్తే కొంత ఆశ్చర్యం కలగక మానదు. చైల్డ్ ఆర్టిస్ట్‌గా వెండితెరకు పరిచయమై.. ఆ తర్వాత హీరోగా తన లక్కును పరీక్షించుకొని విఫలమయ్యాడు అతడు. తనీష్. నచ్చావులే, రైడ్ వంటి చిత్రాలతో హీరోగా ప్రేక్షకుల ముందుకొచ్చిన తనీష్..

తాజాగా సినిమాలో విలన్ అవతారం ఎత్తాడు. కళ్లకు లెన్సులు పెట్టుకుని నిజంగా విలనిజాన్ని ఫస్ట్‌లుక్‌లోనే పండించేశాడు తనీష్. మరి హీరోగా ప్రూవ్ చేసుకోలేకపోయిన తనీష్.. విలన్‌గానైనా ఆకట్టుకుంటాడా?

పోస్టర్‌లో ఉన్నంత దీటుధనాన్ని సినిమాలో చూపిస్తాడా? అన్నది సినిమా వచ్చే వరకు ఆగాల్సిందే. సందీప్ కిషన్, రెజీనా హీరో..హీరోయిన్లుగా చేస్తున్న ఈ సినిమాలో సాయిధరమ్ తేజ్, ప్రగ్యా జైస్వాల్‌లు ప్రత్యేక అతిథి పాత్రలు పోషిస్తున్న సంగతి తెలిసిందే.