దీపావళి కానుకగా పవన్ కళ్యాణ్, రామ్‌చరణ్‌లు తమతమ తాజా చిత్రాలకు సంబంధించి ఫోటోలను రిలీజ్ చేశారు. డాలీ దర్శకత్వంలో పవన్ కథానాయకుడిగా నటిస్తున్న 'కాటమరాయుడు' అఫీషియల్ ఫస్ట్‌లుక్‌ని యూనిట్ విడుదల చేసింది. ఈ పోస్టర్‌లో పవన్ సైకిల్ తొక్కుతూ చాలా సింపుల్‌గా కనిపించాడు. ఆయన స్మైల్, ఛార్మింగ్ లుక్ అదిరిపోయాయంతే.
ఇక అబ్బాయ్ చరణ్ విషయానికొస్తే.. సురేందర్ రెడ్డి దర్శకత్వంలో హీరోగా నటిస్తున్న 'ధృవ' మూవీలోని ఓ స్టైలిష్ లుక్ బయటికొచ్చింది. ఇందులో చరణ్ చాలా స్టైలిష్‌గా, బుల్లెట్‌ని రైడ్ చేస్తూ కనిపించాడు. ప్రస్తుతం వీరిద్దరి ఈ ఫోటోలు సోషల్ మీడియాలో హల్‌చల్ చేస్తున్నాయి.