నాగచైతన్య, మంజిమా మోహన్‌ జంటగా గౌతమ్‌ వాసుదేవ్‌ మేనన్‌ దర్శకత్వంలో తెరకెక్కిన చిత్రం 'సాహసం శ్వాసగా సాగిపో'. లవ్‌ యాక్షన్‌ ఎంటర్‌టైనర్‌గా నిర్మించిన ఈ చిత్రాన్ని మిర్యాల సత్యనారాయణరెడ్డి సమర్పణలో ద్వారకా క్రియేషన్స్‌ పతాకంపై నిర్మించారు. ఈ సినిమా సెన్సార్‌ కార్యక్రమాలు పూర్తి చేసుకుని యు/ఎ సర్టిఫికెట్‌ను పొందింది. 'ఏ మాయ చేసావే' తర్వాత నాగచైతన్య, గౌతమ్‌వాసుదేవ్‌ మేనన్‌ కాంబినేషన్‌లో వస్తున్న ఈ సినిమాను నవంబరు 11న ప్రపంచ వ్యాప్తంగా విడుదల చేస్తున్నట్లు చిత్ర బృందం తెలిపింది.

విదేశాల్లో ఈ చిత్రం ప్రణీత మీడియా ద్వారా విడుదల అవుతోంది. ఈ చిత్రానికి సంగీతం: ఎ.ఆర్‌. రెహమాన్‌, సినిమాటోగ్రఫీ: డాన్‌మాక్‌ ఆర్థర్‌, ఎడిటింగ్‌: ఆంటోని, ఆర్ట్‌: రాజీవన్‌, రచన: కోనా వెంకట్‌.