నేషనల్‌ డే శెలవుల్లో ఫెరారీ వరల్డ్‌లో ఉచిత ప్రవేశాన్ని కల్పిస్తున్నారు. అబుదాబీ ఫెరారీ వరల్డ్‌ ఈ మేరకు ఓ ప్రకటన చేసింది. నవంబర్‌ 10 నుంచి డిసెంబర్‌ వరకు ఈ ఉచిత ప్రవేశం వర్తిస్తుంది. ఒక్క దిర్హామ్‌ కూడా చెల్లించకుండానే ఫెరారీ అనుభూతిని పొందవచ్చని నిర్వాహకులు తెలిపారు. పవిత్ర రమదాన్‌ మాసంలో ఈ ఆఫర్‌ని ఓ సారి కల్పించామనీ, ఇప్పుడు ఇంకోసారి అదే ఆఫర్‌ ఇస్తున్నామని ఫెరారీ వరల్డ్‌ అబుదాబీ జనరల్‌ మేనేజర్‌ జనెస్సీ వర్గాస్‌ తెలిపారు. ఇంకో వైపున సీజన్‌ పాస్‌తో అన్‌లిమిటెడ్‌ యాక్సెస్‌ని ఫెరారీ వరల్డ్‌లో పొందే అవకాశం కూడా కల్పించారు. ఉచితంగా 6 గంటల తర్వాత పార్క్‌లోకి ప్రవేశించవచ్చనీ, ఆ తర్వాత పలు రైడ్స్‌ కోసం నిర్దేశిత ఉసుములు చెల్లించాల్సి ఉంటుంది. 215 దిర్హామ్‌లకు కాంబో మీల్‌ ప్యాకేజీని అందుబాటులోకి తెచ్చారు. పలు రకాల ప్యాకేజీలను ఎంచుకుని ఆయా రైడ్స్‌ని ఆస్వాదించవచ్చు.