సినీనటి, టీవీ వ్యాఖ్యాత సబర్న చెన్నై మధురవాయిలోని ఆమె నివాసంలో మృతిచెందింది. అయితే ఆమె ఆత్మహత్య చేసుకొని ఉంటుందని భావిస్తున్నారు. గత మూడు రోజులుగా ఆమె ఇంటి తలుపులు మూసివున్నాయి. శుక్రవారం ఆ ప్లాట్‌ నుంచి దుర్వాసర రావడాన్ని గుర్తించిన స్థానికులు పోలీసులకు సమాచారం అందించారు. 

దీంతో సంఘటనా స్థలానికి చేరుకున్న పోలీసులు తాళం లేకుండా దగ్గరకు మూసిఉన్న తలుపు తీసి లోపలికి ప్రవేశించారు. అనంతరం తలుపు వద్ద ఉన్న సబర్న మృతదేహాన్ని గుర్తించారు. మృతదేహం వద్దపోలీసులు సూసైడ్‌ నోట్‌ స్వాధీనం చేసుకున్నట్లు సమాచారం. ఆత్మహత్యగానే పరిగణిస్తున్నప్పటికీ.. ఇతర కోణాల్లోనూ పోలీసులు దర్యాప్తు కొనసాగిస్తున్నారు. టెలివిజన్‌ యాంకర్‌గా జీవితం ప్రారంభించిన సబర్నా పలు సినిమాలు, సీరియళ్లలోనూ నటించారు.