పెద్దనోట్లు చెల్లకపోవడంతో కేసులు నమోదుచేయడాన్ని ట్రాఫిక్‌ పోలీసులు తగ్గించారు. రూ.500, రూ.1,000 నోట్లు చెల్లని కారణంగా ప్రజల వద్ద నగదు కొరత ఏర్పడింది. రోజువారీ ఖర్చులకు కూడా ప్రజలు కష్టపడే పరిస్థితులు నెలకొన్నాయి. దీంతో చెన్నైలో ట్రాఫిక్‌ పోలీసులు కేసులు నమోదు చేయడం తగ్గించారు. ఇదివరకు ప్రతిరోజు 15 వేల కేసులకు పైగా నమోదుచేస్తుండగా, గత మూడు రోజుల నుంచి 2 వేలలోపే కేసులు నమోదవుతున్నాయి. డ్రంక్‌ అండ్‌ డ్రైవ్‌ వంటి నేరాలకు మాత్రమే కేసులు నమోదుచేస్తూ.. వాహనాల దస్తావేజులు, డ్రైవింగ్‌ లైసెన్స్ లేకపోవడం, హెల్మెట్‌ ధరించకపోవడం తదితరాలను చూసిచూడనట్లు వదిలేస్తున్నట్లు పోలీసులు తెలిపారు. నగదు కొరత తీరిన తర్వాత యథావిధిగా కేసులు నమోదుచే యనున్నట్లు ఓ ట్రాఫిక్‌ పోలీసు అధికారి తెలిపారు.