సంగీత దర్శకుడు జేమ్స్‌ వసంత్‌ దర్శకత్వం వహించిన 'వానవిల్‌ వాళ్‌క్కై' సినిమా ద్వారా పరిచయమైన నటి మాయా. అందులో అల్లరి అమ్మాయి పాత్రలో కనిపించారు. వ్యాయామ శిక్షకురాలు, శిలంబాట్టం కళాకారిణి, గాయని, నాట్య కళాకారిణి.. ఇలా బహుముఖ ప్రజ్ఞాశాలిగా గుర్తింపు తెచ్చుకున్న ఆమె ప్రస్తుతం రజనీకాంత్‌ నటిస్తున్న '2.ఓ'లో ముఖ్యపాత్ర పోషిస్తున్నారు. దీని గురించి మాయా మాట్లాడుతూ.. నేను నటిగా, గాయనిగా మారడం యాదృచ్ఛికంగా జరిగిన సంఘటనలే. నాకు తెలిసినంత వరకు నటన అనేది డబ్బును ఆర్జించే మార్గం కాదు. వ్యక్తిగా నా ప్రత్యేకతను చాటుకునేందుకు ఓ వేదికగా భావిస్తున్నా.
నేను కాలుమోపే ప్రతీ రంగంలోనూ ఉన్నతస్థాయిని పొందాలన్నదే నా లక్ష్యం. అంతేకాకుండా ఆ విభాగంలో ఇతరులకు స్ఫూర్తిదాయకంగానూ మారాలని అనుకుంటానని చెప్పారు. '2.ఓ' కాకుండా బ్రహ్మ దర్శకత్వంలో జ్యోతిక నటిస్తున్న 'మగళీర్‌ మట్టుం' సినిమాలో కూడా మాయా కీలకపాత్ర పోషిస్తున్నారు.