రాస్ అల్ ఖైమాలోని ప్రముఖ  కువైట్ రోడ్డులో ట్రాఫిక్ సమస్యలను నియంత్రించడానికి, RAK  ట్రాఫిక్ డిపార్టుమెంటు వారు 60 కొత్త పార్కింగ్ స్థలాలను ఏర్పాటుచేశారు, ఇంకా మరిన్ని ఏర్పాటు చేయనున్నారు. నిషేధిత మరియు నో-పార్కింగ్ స్థలాల్లో పార్కింగుకు అడ్డుకట్ట వేయడానికి అదనపు పార్కింగ్ స్థలాలను ఏర్పాటుచేయడం ఒకటే మార్గమని ఆ శాఖ అక్టింగ్ డైరక్టర్ జనరల్ కల్నల్ అహ్మద్ అల్ నక్వీ చెప్పారు.  రద్దీప్రాంతాల్లో పార్కింగ్ను నిషేధిస్తూ రోడ్ల కమిటీ వారు అనేక సైన్ బోర్డ్లను ఏర్పాటు చేశారని, ముఖ్యంగా సెలవుదినాల్లో అస్తవ్యస్త పార్కింగ్ ను ఉక్కుపాదంతో అణచివేస్తామని ఆయన హెచ్చరించారు.

--సి.శ్రీ(దుబాయ్)