నల్లధనం, ఫేక్‌ కరెన్సీ ముసుగులో అక్రమార్కులు దేశంలో సమాంతర ఆర్థిక వ్యవస్థను నడుపుతూ దేశ అభివృద్ధికి తూట్లు పొడుస్తున్నారు. ఇటువంటివారి భరతం పట్టేందుకు ప్రధానమంత్రి నరేంద్రమోడీ సంచలన నిర్ణయం తీసుకున్నారు. అదే పెద్ద నోట్ల రద్దు. 500, 1000 రూపాయల నోట్లను రద్దు చేసి, వాటి స్థానంలో 500 రూపాయలతోపాటు 2000 రూపాయల నోట్లను తీసుకొచ్చింది కేంద్రంలోని నరేంద్రమోడీ ప్రభుత్వం. ఇది సాహసోపేతమైన నిర్ణయం. దేశ ఆర్థిక వ్యవస్థలో ప్రక్షాళనకు ఈ నిర్ణయం ఎంతగానో దోహదపడుతుంది. మోడీ తీసుకున్న ఈ నిర్ణయంతో కొన్ని సమస్యలు ఎదురవుతున్నా అవి తాత్కాలికమే. దేశ భవిష్యత్తును దృష్టిలోపెట్టుకుని ప్రతి ఒక్కరూ ఈ నిర్ణయానికి మద్దతు పలుకుతున్నారు. ప్రముఖ సినీ గేయ రచయిత చంద్రబోస్‌, సినిమాల్లో కమర్షియల్‌ గీతాలు మాత్రమే కాకుండా, ఆలోచింపజేసే గీతాలను కూడా రచించారు. ప్రధాని నరేంద్రమోడీ తీసుకున్న సాహసపేత నిర్ణయానికి ముగ్ధుడై, తన మనసులోని భావాన్ని చంద్రబోస్‌ పాటగా మార్చారు. ఈ పాటని రామ్‌చరణ్‌ హీరోగా రూపొందిన 'ధృవ' సినిమా కోసం టైటిల్స్‌లో వాడనున్నారని మాగల్ఫ్.కామ్ కు తెలియ జేశారు. ఆ పాట మీకోసం..

https://youtu.be/dWlEpDrip4M