కృష్ణవంశీ కెరీర్ లో మైలురాయిగా నిలిచిన చిత్రం అంతపురం. సౌందర్య , జగపతి బాబు , ప్రకాష్ రాజు కీలక పాత్రలు పోషించి ఈ చిత్రం కల్ట్ క్లాసిక్ గా నిలిచింది. ముఖ్యంగా ఈ సినిమాలో జగపతి బాబు పాత్ర హైలట్ గా నిలిచింది. ఇందులో సరికొత్త జగపతి బాబును తెరపై ఆవిష్కరించారు కృష్ణవంశీ. ఇప్పటికీ ఆ పాత్ర తన కెరీర్ లో స్పెషల్ అని చెబుతుంటారు జగపతి బాబు.
అసలు ఆ పాత్ర అంతలా పండడానికి కారణం తెలిస్తే షాక్ అవుతారు. ఆ పాత్ర సంబధించిన సీన్లు తీస్తున్నప్పుడు జగపతి బాబు మందులో వుండేవారట. ఈ విషయాన్ని స్వయంగా కృష్ణవంశీ వెల్లడించారు. అంతపురం సినిమా చేస్తున్నప్పుడు జగపతి బాబుకు ప్రతీ సీన్ కి ముందు 'టకీలా' ఇచ్చేవాడిని.అది తాగిన తర్వాత సీన్ తీసేవాడిని. ఆ పాత్రలో చాలా వైవిధ్యమైనది. ఇందులో రియల్ సోల్ బయటికి రావాలి. ఎంత యాక్ట్ చేసిన మన బిహేవియర్ తెలిసిపోతుంది.

అందుకే సీన్ లో ఇంకా ఇంపాక్ట్ రావడానికి అలా చేయాల్సి వచ్చింది. నేనే కాదు. చాలా మంది ఫిల్మ్ మేకర్లు ఇలా చేస్తారు. రీసెంట్ టైంలో 'త్రి ఇడియట్స్' లో కూడా అమీర్ ఖాన్ మందుకొట్టి ఓ సీన్ చేశారు.

ఇంటర్వెల్ కు ముందు ఫ్రెండ్స్ అంతా కెరీర్ ను డిసైడ్ చేసుకొనే సీన్ లో అది కనిపిస్తుంది" అని ఫిల్మ్ మేకింగ్ సీక్రెట్ చెప్పారు కృష్ణవంశి.