ఫిలిప్పీన్స్‌ రాజధాని మనీలాలోని అమెరికా దౌత్యకార్యాలయం వద్ద బాంబు కలకలం సృష్టించింది. సోమవారం ఉదయం 7.30 గంటల సమయంలో రోక్సాస్‌ బూల్‌వార్డ్‌ రోడ్డులోని దౌత్య కార్యాయలం వద్ద వీధిని శుభ్రం చేస్తున్న వ్యక్తి చెత్తడబ్బాలో ఓ ఫోన్‌కి నలుపు, ఎరుపు వైర్లు చుట్టి ఉన్న వస్తువును గుర్తించి అధికారులకు సమాచారం అందించాడు. అప్రమత్తమైన అధికారులు అక్కడికి చేరుకుని ఆ రహదారిని సుమారు గంటపాటు మూసివేశారు. బాంబు స్వా్కడ్‌ సాయంతో దానిని నిర్వీర్యం చేశారు. దీంతో అంతా వూపిరిపీల్చుకున్నారు.