'గౌతమిపుత్ర శాతకర్ణి' చిత్రం అభిమానుల అంచనాలకు అనుగుణంగా తెరకెక్కించినట్లు నందమూరి బాలకృష్ణ తెలిపారు. గౌతమిపుత్ర శాతకర్ణి దేశం మొత్తానికి సంబంధించిన రాజని.. ఆయన చరిత్రను సినిమాగా తీయడం తన అదృష్టమన్నారు. మొరాకో, జార్జియా, మధ్యప్రదేశ్‌ వంటి ప్రాంతాల్లో ఈ చిత్రాన్ని తెరకెక్కించినట్లు చెప్పారు. ప్రస్తుతం రీరికార్డింగ్‌, డబ్బింగ్‌, గ్రాఫిక్స్‌ పనులు శరవేగంగా సాగుతున్నట్లు వెల్లడించారు. ఈ చిత్రం పాటలు, ట్రైలర్‌ను డిసెంబర్‌ 16న విడుదల చేయాలని భావిస్తున్నట్లు బాలకృష్ణ చెప్పారు. గౌతమిపుత్ర శాతకర్ణి చిత్రం ఘనవిజయం సాధించాలని ఆకాంక్షిస్తూ ఫిలింనగర్‌లోని దైవసన్నిధానంలో మహారుద్రాభిషేకం నిర్వహించారు.ఈ కార్యక్రమానికి బాలకృష్ణ, దర్శకుడు క్రిష్‌, చిత్ర యూనిట్‌ హాజరయ్యారు.