ద రిసెర్చ్ కౌన్సిల్ వారి ఆర్ధిక సహకారంతో ఒమాన్ లో నిర్వహింపబడిన ఒక రసాయన మరియు జీవశాస్త్ర రంగ అధ్యయనంలో, ఒమాన్ అటవీ సంపదతో ఔషధ సమ్మేళనాలను తయారుచేసి, ఉత్పత్తి చేసేందుకు దారి సుగమమయింది. నిజ్వా విశ్వ విద్యాలయం ఆర్ట్స్ మరియు సైన్స్ ఫ్యాకాల్టీ హెడ్ ఆఫ్ డిపార్ట్‌మెంట్ మరియు అసోసీయేట్ ప్రోఫెసర్ డా. జావేద్ హుస్సైన్ నేతృత్వంలోని ఒక కమిటీ, రాజ్యం లోని వృక్షాలు, మొక్కల యొక్క ఔషధశాస్త్ర సంబంధమైన కోణాన్ని, అత్యాధునిక, శాస్త్రీయ పద్ధతులలో వానిని వేరుచేసే విధానాలను కనిపెట్టింది. ఇంకా ఫంగస్, బాక్టీరియా వంటి సూక్ష్మజీవులపై వీటి ప్రభావాన్ని, వీనిలో ఏవైనా విషపదార్ధాలు ఉన్నాయేమో అనే కోణాన్ని కూడా శోధించి, వాటిపై ప్రయోగాలు నిర్వహిస్తోంది. సుల్తానెట్ లో, ముఖ్యంగా నిజ్వా విశ్వ విద్యాలయం ఔషధ మొక్కలపై జరిగే ప్రత్యేక పరిశోధనలకు కేంద్రబిండువయింది.

--నూనె లెనిన్ కుమార్(ఒమాన్)