రానా దగ్గుబాటి నటించిన ఘాజీ మూవీ షూటింగ్ కొన్ని నెలల క్రితమే ముగిసినా ఈ చిత్రం ఫస్ట్ లుక్ పోస్టర్ ని మేకర్స్ తాజాగా రిలీజ్ చేశారు. అప్పుడే దీనికి మంచి రెస్పాన్స్ వస్తోంది.
సముద్రగర్భంలో సబ్ మెరైన్స్ తో యుధ్ధాల నేపథ్యం థీమ్ తో రూపొందిన ఈ మూవీకి సంకల్ప్ డైరెక్టర్. ఛాలెంజింగ్ రోల్ లో నటించిన రానా ఈ మూవీతో తన సినీ కెరీర్‌ని కొత్త మలుపు తిప్పుకోనున్నాడు. పోస్ట్‌ ప్రొడక్షన్ పనులకే 6 నెలల కాలం పట్టిందని మేకర్స్ తెలిపారు. తెలుగు, తమిళం, హిందీ భాషల్లో విడుదల కానున్న ఈ సినిమాలో తాప్సీ హీరోయిన్. పీవీపీ సినిమా బ్యానర్, మ్యాటినీ ఎంటర్‌టైన్‌మెంట్ సంయుక్త నిర్మాణంలో ఘాజీ విడుదల కానుంది. వచ్చే ఏడాది ఫిబ్రవరి 17 న దీన్ని రిలీజ్ చేయాలన్నది మేకర్స్ యోచన