అభిమానులు ఎంతో ఆసక్తిగా ఎదురుచూస్తున్న మెగాస్టార్‌ చిరంజీవి 150వ చిత్రం 'ఖైదీ నంబరు 150' టీజర్‌ విడుదలైంది. చిత్ర బృందం ఇవాళ సాయంత్రం టీజర్‌ను విడుదల చేశారు. 'ఏదైనా నాకు నచ్చితేనే చేస్తా.. నచ్చితేనే చూస్తా.. కాదని బలవంతం చేస్తే.. కోస్తా.. ఏ స్వీట్‌ వార్నింగ్‌' అంటూ చిరు చెప్పిన డైలాగ్‌ వింటుంటే నిజంగా బాస్‌ ఈజ్‌ బ్యాక్‌ అన్నట్లుగానే ఉంది.
వి.వి.వినాయక్‌ దర్శకత్వం వహిస్తున్న ఈ చిత్రంలో కాజల్‌ కథానాయికగా నటిస్తోంది. కొణిదెల ప్రొడక్షన్‌ పతాకంపై రామ్‌చరణ్‌ నిర్మిస్తున్నారు. దేవిశ్రీ ప్రసాద్‌ స్వరాలు సమకూరుస్తున్నారు. సంక్రాంతి కానుకగా 'ఖైదీ నంబర్‌ 150' చిత్రాన్ని ప్రేక్షకుల ముందుకు తీసుకురావడానికి సన్నాహాలు చేస్తున్నారు.