రామ్‌చరణ్‌ కథానాయకుడిగా నటించిన 'ధృవ' చిత్రం చక్కగా ఉందని, చిత్ర బృందం కష్టపడి పనిచేశారని హీరో వరుణ్‌తేజ్‌ట్వీట్‌ చేశారు. అందరూ కష్టపడి పనిచేశారని, సంగీత దర్శకుడు హిప్‌ హాప్‌ చక్కటి నేపథ్య సంగీతాన్ని అందించారన్నారు. సినిమాటోగ్రాఫర్‌, దర్శకుడు పనితీరును బావుందని తెలిపారు. అరవిందస్వామి నటన అద్భుతంగా ఉందని, చరణ్‌ అన్న కష్టపడ్డ సినిమాల్లో ఇదీ ఒకటిని పేర్కొన్నారు. 'ధృవ' పాత్రలో చరణ్‌ ఒదిగిపోయారని అంటూ 'లవ్యూ బ్రో' అని పోస్ట్‌ చేశారు. నిహారిక కూడా 'ధృవ' చిత్రాన్ని ప్రశంసిస్తూ ఫేస్‌బుక్‌లో పోస్ట్‌ చేశారు.పలువురు విమర్శకులు సైతం చిత్రం చక్కగా ఉందని సోషల్‌మీడియా ద్వారా ప్రశంసించారు.కష్టాన్ని వృథా చేయొద్దు: రకుల్‌ చరణ్‌తో కలిసి తాను నటించిన 'ధృవ'ను చిత్రాన్ని ఉద్దేశించి రకుల్‌ప్రీత్‌ సింగ్‌ తాజాగా ఓ ట్వీట్‌ చేశారు. సినిమా చూసిన అభిమానులకు అక్కడి తీసిన ఫొటోలను ట్విట్టర్‌లో పోస్ట్‌ చేయొద్దని కోరారు. తమ కష్టాన్ని వృథా చేయొద్దంటూ అభిమానులకు సూచించారు.