త్వరలోనే యంగ్ టైగర్ ఎన్టీఆర్ మళ్లీ యాక్షన్ లోకి దిగబోతున్న విషయం తెలిసిందే. 'జనతా గ్యారేజ్' బ్లాక్ బస్టర్ హిట్ తర్వాత చాలా కథలు విన్న తారక్.. చివరికి డాలీ చెప్పిన కథతో కనెక్ట్ అయ్యాడు. సంక్రాంతి తర్వాత నుంచి ఈ చిత్రం రెగ్యూలర్ షూటింగ్ జరుపుకోనుంది.
ఇందులో తారక్ త్రిపాత్రాభినయం చేయనున్నాడు. మూడు పాత్రలు కూడా నటనకి స్కోప్ ఉన్న పాత్రలే. దీంతో.. ఈ సినిమాని ఛాలెంజ్ గా తీసుకొన్నాడు తారక్. ఇందుకోసం పక్కగా ప్లాన్ చేసుకొంటున్నాడు. ఈ మూడు పాత్రలని తెరపై మెయింటెన్ చేయాలని బలమైన కలం కావాలి. డైలాగులు అదిరిపోవాలి. మూడు పాత్రలని కన్విన్స్ చేయగలిగే డైలాగ్ రచయిత కావాలి. అందుకోసం ప్రముఖ డైలాగ్ రైటర్ కోన వెంకట్ ని రంగంలోకి దింపుతున్నట్టు సమాచారమ్.
ప్రస్తుతం ప్రీ-ప్రొడక్షన్ పనులు జోరుగా సాగుతున్నాయి. కోన కూడా చిత్రబృందంతో కలసిపోయి పని ప్రారంభించారు. ఇప్పటికే ఎన్ టీఆర్ తో జతకట్టే ముగ్గురు ముద్దుగుమ్మలు కాజల్, నివేదా థామస్, అనుపమ పరమేశ్వరన్ లని ఎంపిక చేశారు. ఈ చిత్రాన్ని నందమూరి కల్యాణ్ రామ్ దాదాపు రూ. 100కోట్ల భారీ బడ్జెట్ తో తెరకెక్కించబోతున్నట్టు సమాచారమ్.