అధికారికంగా దుబాయ్‌ షాపింగ్‌ ఫెస్టివల్‌ 2017 కౌంట్‌డౌన్‌ ప్రారంభమయ్యింది. కేవలం నాలుగు రోజులు మాత్రమే ఉంది దుబాయ్‌ షాపింగ్‌ ఫెస్టివల్‌ ప్రారంభోత్సవానికి. 22వ దుబాయ్‌ షాపింగ్‌ ఫెస్టివల్‌ షాపింగ్‌ ప్రియుల్ని అలరించనుంది. 12 గంటల పాటు సాగే నాన్‌స్టాప్‌ న్యూ ఇయర్‌ షాపింగ్‌ ఫెస్టివల్‌లో అనూహ్యమైన బహుమతులు గెలుచుకునే అవకాశం ఉంది. 50,000 దిర్హామ్‌ల విలువైన మాల్‌ గిఫ్ట్‌ వోచర్స్‌ని మాజిద్‌ అల్‌ ఫత్తైమ్‌ మాల్‌ దుబాయ్‌ వ్యాప్తంగా షాపింగ్‌ ప్రియులకు గెలచుకునే అవకాశం కల్పిస్తున్నారు. డిఎస్‌ఎఫ్‌ ఎక్స్‌క్లూజివ్‌ రివార్డ్స్‌కి ఇది అదనం. ఇన్ఫినిటి మెగా రఫాలె, ప్రతి రోజూ ఓ కారుని, 150,000 దిర్హామ్‌లు గెలచుకునే అవకాశం కల్పిస్తోంది. దుబాయ్‌ గోల్డ్‌ అండ్‌ జ్యుయెలరీ గ్రూప్‌ ఒక కిలో బంగారాన్ని గెలచుకునే అవకాశం కల్పిస్తోంది. కమ్యూనిటీ మాల్స్‌ 1 మిలియన్‌ దిర్హామ్‌ల విలువైన బహుమతుల్ని వినియోగదారుల కోసం సిద్ధం చేసింది. ఎలక్ట్రానిక్స్‌, కార్స్‌పై 20 నుంచి 80 శాతం డిస్కౌంట్స్‌ని వీసా డీల్స్‌ అందించనుంది. తొలి నాలుగు రోజులు అత్యద్భుతమైన ఫైర్‌ వర్క్స్‌ సందడి చేస్తాయి. ఆ తర్వాత ప్రతి గురువారం మొత్తం 16 రోజులపాటు ఈ ఫైర్‌ వర్క్స్‌ డిస్‌ప్లే ఉంటుంది.