మనామా: బహ్రెయినీ మహిళ ఒకరు హత్యకు గురైన ఘటన రిఫ్ఫాలో చోటు చేసుకుంది. మృతురాలిని ఇమాన్‌ ఘులూమ్‌గా గుర్తించారు. ఈమె ముహరాక్‌ నివాసి. హత్య జరిగిన సమయంలో ఆమె తన కుమారుడితో కలిసి ఉన్నట్లు గుర్తించారు. అయితే ఈ ఘటనలో మృతురాలి కుమారుడికి ఏమీ జరగలేదు. ఇంటీరియర్‌ మినిస్ట్రీ ఈ ఘటనను ధృవీకరించింది. 'సదరన్‌ గవర్నరేట్‌ పరిధిలో ఓ మహిళ హత్యకు గురైంది' అని ప్రకటించింది ఇంటీరియర్‌ మినిస్ట్రీ. దుండగులు ఆమెను హత్య చేసి పారిపోయినట్లుగా అనుమానిస్తున్నారు. వారిని పోలీసులు అదుపులోకి తీసుకున్నట్లుగా సమాచారమ్‌. కేసు విచారణ కొనసాగుతోంది.