యూ. ఏ. ఈ. గత నెలలో చమురు సబ్సిడీలను ఎత్తివేసిన మాదిరిగా చేసి ఖజానా కు గండిపడకుండా చూసుకోవాలని సౌదీ ప్రభుత్వం తీవ్ర ఆలోచనలో ఉంది! స్థానికoగా సౌదీలో గాసోలిన్ ధర లీటరుకు 15 సెంట్లు. వెనెజులా తరువాత  ప్రపంచంలోనే అతి తక్కువ అన్న సంగతి తెలిసినదే; ఐతే చమురు ఉత్పత్తుల ధర పెంచడం అనేది అనేక సంవత్సరాల అనంతరం తీసుకున్న ఆర్ధిక సంస్కరణ అని చెప్పవచ్చు. ఈ విధంగా గ్యాస్ ధరలను అత్యంత తక్కువ స్థాయిలో ఉంచేయడం వల్ల ఆర్ధిక నష్టాలు సంభవిస్తాయని ప్రభుత్వం భావిస్తున్నట్టు తెలియవచ్చింది. ఈ విషయంలో చిన్నగా మొదలుపెట్టవలసినదిగా యూ. ఏ. ఈ. అధికారులు సలహా ఇచ్చినట్టు కబురు. ఐతే ఈ ధరల పెంపు, దేశంలో ద్రవ్యోల్బణానికి దారితీసే అవకాశం ఉన్నందువల్ల, ఈ సంస్కరణ అమలుకు ఆచి తూచి అడుగులు వేయాలన్నది ప్రభుత్వ అభిమతం. ఇందుకు అనేక సంవత్సరాలు పడతాయన్న విషయం నిస్సందేహం!

--సి.శ్రీ(దుబాయ్)