బహ్రెయిన్‌ ఇంటర్నేషనల్‌ ఎయిర్‌పోర్ట్‌ రన్‌వే ఆకస్మిక మూసివేత కారణంగా 2000 మంది ప్రయాణీకులు ఇబ్బంది పడ్డారు. భారీగా కమ్ముకున్న పొగమంచు కారణంగా రన్‌వేని మూసివేయాల్సి వచ్చింది. బహ్రెయిన్‌ ఎయిర్‌పోర్ట్‌ కంపెనీ ఈ మేరకు ఓ ప్రకటన చేసింది. లో విజిబిలిటీ కారణంగా బహ్రెయిన్‌ ఇంటర్నేషనల్‌ ఎయిర్‌పోర్ట్‌ 21:20 (26 డిసెంబర్‌) నుంచి 04.30 (27 డిసెంబర్‌) గంటల వరకు విమాన రాకపోకల్ని నిలిపివేశామనీ, కొన్నిటిని ఇతర ఎయిర్‌పోర్టులకు మళ్ళించామని బహ్రెయిన్‌ ఎయిర్‌పోర్ట్‌ కంపెనీ ఓ ప్రకటనలో పేర్కొంది. ఈ కారణంగా 2000 మంది ప్రయాణీకులపై ప్రభావం పడినట్లు అధికారులు పేర్కొన్నారు. 5 గంటల తర్వాత విమాన రాకపోకలు యదాథంగా కొనసాగాయనీ, ప్రయాణీకులు తమ విమానాల రీషెడ్యూల్‌పై సంబంధిత ఎయిర్‌లైన్స్‌తో టచ్‌లో ఉండాలని అధికారులు విజ్ఞప్తి చేశారు.