హజ్ యాత్రీకులు, ప్రయాణం ప్రారంభం అయే ముందు, ప్రయాణంలోను మరియు యాత్ర చివరిదశలోనూ కూడా ఆరోగ్య పరిరక్షణ చర్యలు తీసుకోవలసిందిగా హమాద్ మెడికల్ కార్పొరేషన్ (హెచ్. ఎం. సి) వారు హెచ్చరించారు. ఆసుపత్రి సీనియర్ కన్సల్టెంట్ ఇన్ ఎమర్జెన్సీ మెడిసిన్ - డా. సాద్ అల్ నువైమీ, వైరస్ వల్ల వచ్చే శ్వాస సంబంధిత రుగ్మతలైన గొంతు, శ్వాస కోస మరియు ఊపిరితిత్తుల ఇన్ఫెక్షన్ వంటి వ్యాధులు సమూహాల వల్ల వేగంగా వ్యాప్తిస్తాయని, దగ్గినపుడు, తుమ్మినపుడు టిష్యూ పేపర్లను వాడడం, వాడిన వాటిని జాగ్రత్తగా పారవేయడం, చేతులను సబ్బు మరియు నీటితో తరచుగా శుభ్రం చేసుకోవడం, చేతితో  - కంటిని, ముక్కును  మరియు నోటిని వీలైనంత వరకు తాకకుండా ఉండడం  వంటి  చిన్న చిన్న చర్యల ద్వారా వ్యాధుల వ్యాప్తిని అరికట్టవచ్చని ఆయన తెలిపారు. పగటిపూట అధిక ఉష్ణోగ్రతలు ఉన్నపుడు తగిన జాగ్రత్తలు తీసుకోవడం, హజ్ యాత్ర ముగిసిన అనంతరం తల నీలాలు సమర్పించేపుడు ఒకరు వాడిన బ్లేడును వాడకుండడం కూడా ముఖ్యమన్నారు. ఏదైనా అనారోగ్యం ఏర్పడినపుడు అశ్రద్ధ చేయకుండా వెంటనే వైద్య సహకారం పొందాలని సూచింధారు.