గ్రీన్‌ ఫీల్డ్‌ కమ్యూనిటీ స్కూల్‌ (జిసిఎస్‌) - తాలీమ్‌ స్కూల్‌ కొత్త సంవత్సరంలో 'మైండ్‌ ఫుల్‌నెస్‌' అనే కొత్త కాన్సెప్ట్‌ని ప్రవేశపెడుతోంది. కొత్తగా మైండ్‌ఫుల్‌నెస్‌ రూమ్‌ని తమ స్కూళ్ళలోని ప్రైమరీ డిపార్ట్‌మెంట్స్‌లో ప్రవేశపెడ్తోంది. ఈ కొత్త విధానం ద్వారా విద్యార్థుల్లో పాజిటివ్‌ ఎనర్జీని పెంచడం, అలాగే వారి ఏకాగ్రతను పెంచడం ముఖ్య ఉద్దేశ్యాలని జిసిఎస్‌ - మైండ్‌ ఫుల్‌నెస్‌ మరియు వెల్‌ బీయింగ్‌ కో-ఆర్డినేటర్‌ రోలా ఘాద్బాన్‌ చెప్పారు. మెంటల్‌ క్లారిటీ, ఎమోషనల్‌ ఇంటెలిజెన్స్‌, ఫోకస్‌ ఇంప్రూవింగ్‌ వంటివి ఇక్కడ పిల్లలకు అలవాటు చేస్తామని ఆయన వివరించారు. యూఏఈలో ఈ తరహా విధానం ఇదే తొలిసారి అని ఆయన చెప్పారు. గ్రీన్‌ఫీల్డ్‌ కమ్యూనిటీ స్కూల్‌లో బ్యాలెన్స్‌డ్‌ ఎడ్యుకేషన్‌ ఉంటుందనీ, ఎప్పటికప్పుడు సరికొత్త విజ్ఞానాన్ని అందిపుచ్చుకుంటూనే, సంప్రదాయ పద్ధతుల్ని, అందులోనూ కొత్తదనాన్ని పరిచయం చేస్తున్నామని ప్రిన్సిపల్‌ ఆండీ వుడ్‌ చెప్పారు.