ఖతార్ లో కస్టమర్ సర్వీస్ వీక్ 2026ను నిర్వహిస్తున్న PHCC..!!
- October 04, 2026
దోహా: రోగుల అనుభవాన్ని మెరుగుపరచడం, వైద్య సేవల నాణ్యతను పెంచడంలో కస్టమర్ సర్వీస్ ప్రాధాన్యతను చాటిచెప్పేందుకు ప్రైమరీ హెల్త్ కేర్ కార్పొరేషన్ (PHCC) కస్టమర్ సర్వీస్ వీక్ 2026ను నిర్వహిస్తోంది. ఈ ఏడాది కార్యక్రమానికి “ గో ది ఎక్స్ ట్రా మైల్ (Go the Extra Mile)” అనే అధికారిక థీమ్ను ఎంపిక చేశారు. రోగుల అంచనాలను మించి సేవలు అందించడం, వారి అవసరాలను శ్రద్ధగా వినడం, అభిప్రాయాలు, ప్రశ్నలు, ఫిర్యాదులను సేవల నిరంతర మెరుగుదలకు ఉపయోగించుకోవడమే ఈ థీమ్ ప్రధాన ఉద్దేశమని PHCC తెలిపింది. పేషంట్ల పట్ల శ్రద్ధ అనేది కేవలం వైద్య సేవలు అందించడంతో ముగియదని, ఆత్మీయ స్వాగతం, సమయానుకూల స్పందన, స్పష్టమైన సమాచారం, అభిప్రాయాలను వినడం, రోగుల సేవా అనుభవాన్ని సులభతరం చేయడం కూడా అందులో భాగమేనని సంస్థ పేర్కొంది.
తొలి ఆరు నెలల్లో 3,163 ఫిర్యాదులు
2026 తొలి ఆరు నెలల్లో వివిధ కమ్యూనికేషన్ మార్గాల ద్వారా PHCCకి 3,163 ఫిర్యాదులు అందాయి. వీటిలో 94 శాతం ఫిర్యాదులను 25 పని దినాల్లోపు పరిష్కరించగా, 4 శాతం ఫిర్యాదులు 25 పని దినాల తర్వాత పరిష్కరించబడ్డాయి. మరో 2 శాతం ఫిర్యాదులు ఇంకా పరిష్కారం కావాల్సి ఉంది. ఫిర్యాదులను నిర్ణీత గడువులో పరిష్కరించేందుకు సంస్థ చేపడుతున్న చర్యలకు ఈ గణాంకాలు నిదర్శనమని PHCC తెలిపింది. ఫిర్యాదుల స్వీకరణ, వాటిపై స్పందన, ఫీడ్బ్యాక్ నిర్వహణ వ్యవస్థలను మరింత బలోపేతం చేస్తున్నట్లు పేర్కొంది. అదే సమయంలో తొలి ఆరు నెలల్లో 66 మంది పేషంట్లు కృతజ్ఞతలు, ప్రశంసలు వ్యక్తం చేసినట్లు తెలిపింది. వైద్య సిబ్బంది, ఇతర ఉద్యోగులు అందిస్తున్న సేవలకు ఈ ప్రశంసలు గుర్తింపుగా నిలుస్తున్నాయని, సానుకూల అనుభవాలను గుర్తించి వాటిని ఇతర బృందాల్లోనూ ప్రోత్సహించేందుకు ఈ ఫీడ్బ్యాక్ ఉపయోగపడుతుందని సంస్థ పేర్కొంది.
తాజా వార్తలు
- విశాఖకు మరో ఐటీ కిరీటం..‘బే-టెక్ సిటీ’ నిర్మాణానికి సీఎం ఆదేశం
- బహ్రెయిన్ ఇండియన్ స్కూల్ ఎన్నికలకు షెడ్యూల్ విడుదల..!!
- మస్కట్లో అల్ ఖువైర్ స్ట్రీట్ ఎగ్జిట్ రాత్రివేళ మూసివేత..!!
- మలేషియా వెళ్లే భారతీయులకు అలర్ట్.. 2027 నుంచి కొత్త రూల్స్
- ఖతార్లో పిల్లలను కారులో వదిలేస్తే QR10,000 జరిమానా..!!
- పాకిస్థాన్లో ఘోర విషాదం..రోడ్డు ప్రమాదంలో 10 మంది మృతి!
- సౌదీ సరిహద్దుల్లో ‘అబ్షర్ ట్రావెల్’ సేవలకు ఎలక్ట్రిక్ బైక్లు..!!
- సౌదీ అరేబియాలో 2027 నుంచి కొత్త టాక్స్ విధానం..!!
- కువైట్లో ఆహార భద్రత తనిఖీలు..!!
- యూఏఈలో ఫైర్ వర్క్స్, డ్రోన్ షోలు, సైనిక పరేడ్లతో సందడి..!!







