డిజిటల్ చెల్లింపులు ఎలా అని తల పట్టుకుంటున్నవారికో శుభవార్త. వారికోసమే అన్నట్టు 14444 అనే హెల్ప్ లైన్ నెంబర్ వస్తోంది. మన ప్రశ్నలన్నిటికీ ఈ నెంబర్ ద్వారా పరిష్కారం కనుక్కోవచ్చు. దేశంలో నోట్ల రద్దు తర్వాత డిజిటల్ లావాదేవీలను ప్రోత్సహింహేందుకు ప్రభుత్వం ఈ చర్య తీసుకోనుందని ఏపీ సీ ఎం చంద్రబాబు తెలిపారు. ఈ నెంబరు ద్వారా ప్రజలు తమ అనుమానాలను నివృత్తి చేసుకోవచ్చునన్నారు. డిజిటల్ చెల్లింపులపై ఢిల్లీ లో జరిగిన మఖ్యమంత్రుల కమిటీ సమావేశం తరువాత మాట్లాడిన ఆయన.. దేశ వ్యాప్తంగా నగదు రహిత చెల్లింపులకువీలుగా 10 లక్షల పీ ఓ ఎస్ మెషిన్లను దిగుమతి చేసుకునే యోచన ఉందన్నారు.(ఈ కమిటీకి బాబు చైర్మన్ గా ఉన్న సంగతి తెలిసిందే).

యూజర్లకు,స్మార్ట్ ఫోన్లకోసం సబ్సిడీ ఇచ్చే ఆలోచన కూడా ఉందని, తమ కమిటీ వారంలో గా ఓ మధ్యంతర నివేదికను ప్రధాని మోదీకి సమర్పిస్తుందని ఆయన చెప్పారు. కాగా నాస్కామ్, టెలిఫోన్ ఆపరేటర్లు, ప్రభుత్వ మేధావులు, నిపుణులు కలిసి ఈ హెల్ప్ నెంబర్ క్రియేషన్ విషయంలో కృషి చేయనున్నారని నీతి ఆయోగ్ వైస్-చైర్మన్ అరవింద్ పనగారియా తెలిపారు.