ఈ కామర్స్‌ దిగ్గజం అమెజాన్‌ తాజాగా 'మీ వస్తువును మీరే అమ్ముకోండి' అనే కొత్త ఫీచర్‌ని వినియోగదారుల కోసం మార్కెట్లోకి ప్రవేశపెట్టింది. ప్రస్తుతం ఈ ఫీచర్‌ బెంగళూరులో మాత్రమే అందుబాటులో ఉంది. ఈ నూతన సర్వీస్‌తో వినియోగదారులు తాము ఉపయోగించిన వస్తువులను అమెజాన్‌ వేదికను ఉపయోగించుకొని స్థానికంగా అమ్ముకోవడానికి వీలుంది. మనం అమ్మిన వస్తువులను అమెజాన్‌ సేకరించి కొనుగోలు చేసిన వ్యక్తికి డెలివరీ చేస్తుంది. ఈ సేవలను వినియోగించుకోవాలంటే అమెజాన్‌ వెబ్‌సైట్‌లోకి వెళ్లి 'సెల్‌ యాజ్‌ ఇండివీజ్యూవల్‌ పేజ్‌' లోకి వెళ్లి ఫామ్‌ను నింపాల్సి ఉంటుంది. అక్కడ అమ్మాలనుకుంటున్న వస్తువు కేటగిరీని ఎంపిక చేయాలి. అనంతరం వస్తువు ఫోటో, ధర, అమ్మకందారుని చిరునామా తదతర వివరాలు పొందుపరచాల్సి ఉంది.