'పొగరు నా ఒంట్లో ఉంటంది.. హీరోయిజం నా ఇంట్లో ఉంటంది' అంటున్నారు మెగాస్టార్‌ చిరంజీవి. ఆయన కథానాయకుడిగా నటించిన 150వ చిత్రం 'ఖైదీ నంబర్‌ 150'. కాజల్‌ అగర్వాల్‌ కథానాయిక. వి.వి.వినాయక్‌ దర్శకుడు. శనివారం ఈ చిత్ర థియేట్రికల్‌ ట్రైలర్‌ విడుదలైంది. ఇందులో చిరు చెప్పిన డైలాగ్‌లు ఆకట్టుకుంటున్నాయి. 'కష్టం వస్తదో.. కార్పొరేట్‌ సిస్టమ్‌ వస్తదో రమ్మను'.. 'వడ్ల గింజల నుంచి తాలింపు గింజల దాకా! కందిపప్పు నుంచి కరివేపాకు దాకా! మినప నుంచి మిరప దాకా! అన్ని ఆ పల్లెల నుంచే రావాలి'.. అంటూ చెప్పే డైలాగ్‌లు ప్రత్యేక ఆకర్షణగా నిలిచాయి.