ఇంటర్నెట్‌డెస్క్‌: పోర్చ్‌గల్‌ ప్రజాస్వామ్య పితగా భావించే మాజీ అధ్యక్షుడు మారియో సొయారీస్‌ (92) కన్నుమూశారు. సోయారిస్‌ 1976-78 మధ్యకాలంలో ఆ దేశ ప్రధానమంత్రిగా పనిచేశారు. 1980లలో మరోసారి ప్రధానిగా బాధ్యతలు స్వీకరించారు. 1986-96 మధ్యకాలంలో పోర్చ్‌గల్‌ అధ్యక్షుడిగా పనిచేశారు. వృద్ధాప్యం వల్ల వచ్చే ఆరోగ్య సమస్యలతో ఆయన్ను గత నెలలో లిస్బన్‌లోని ఆసుపత్రిలో చేర్పించారు. తొలుత కోలుకున్నా తర్వాత కోమాలోకి వెళ్లిపోయారు. పోర్చుగల్‌లో ప్రజాస్వామ్యాన్ని నెలకొల్పే క్రమంలో ఆయన్ను సైనిక ప్రభుత్వాలు 12సార్లు జైల్లో ఉంచాయి. 1974 కార్నేషన్‌ తిరుగుబాటులో ఆయన కీలక పాత్ర పోషించారు.