నైజీరియాలోని నార్ట్‌ఈస్ట్రన్‌ యూనివర్శిటీ ఆఫ్‌ మైదుగురిలో సంభవించిన రెండు వరుస బాంబు పేళుల్లో ఐదుగురు మృతిచెందినట్లు పోలీసులు తెలిపారు. యూనివర్శిటీ వద్ద గల మసీదులో, కాలేజి గేటు వద్ద వెంట వెంటనే పేలుళ్లు సంభవించాయని ఈ సంఘటనలో ఒక ప్రొఫెసర్‌తో సహా ఐదుగురు మృతిచెందినట్లు పోలీసులు వెల్లడించారు. 15 మంది దాకా గాయపడ్డారని వారిని స్థానిక ఆసుపత్రికి తరలించినట్లు చెప్పారు. ఆత్మహుతి దాడికి పాల్పడ్డారా లేక బాంబులు పెట్టారా అనే విషయంపై స్పష్టత లేదని తెలిపారు.