మస్కట్‌తోపాటు సుల్తానేట్‌లోని పలు ప్రాంతాల్లో సాధారణ నుంచి ఓ మోస్తరుగా వర్షాలు రానున్న మూడు రోజుల్లో కురిసే అవకాశం ఉందని పబ్లిక్‌ అథారిటీ ఫర్‌ సివిల్‌ యావియేషన్‌ ట్విట్టర్‌లో వెల్లడించింది. మెటియరాలజీ డిపార్ట్‌మెంట్‌ అధికారి ఒకరు మాట్లాడుతూ, ముసదామ్‌, సుర్‌, నార్త్‌ అండ్‌ సౌత్‌ షర్కియా, కోస్ట్‌లోని పలు ప్రాంతాల్లో రానున్న రోజుల్లో వర్షాలు కురుస్తాయని చెప్పారు. వింటర్‌ సందర్భంగా ఒమన్‌లో వర్షాలు కురవడం మామూలేనని, 2015 డిసెంబర్‌లోనూ, గత ఏడాది జనవరిలోనూ వర్షాలు కురిశాయని తెలిపారు. వర్షాలతో ఉష్ణోగ్రతలు గణనీయంగా పడిపోనున్నాయి. ఉష్ణోగ్రత 23 డిగ్రీలకు అటూ ఇటూగా ఉండొచ్చు. రాత్రి ఉష్ణోగ్రతలు 3 డిగ్రీల వరకూ పడిపోవచ్చు. సముద్రం రఫ్‌గా ఉంటుంది గనుక, చేపలు పట్టేందుకు సముద్రంలోకి వెళ్ళేవారు అప్రమత్తంగా ఉండాలని అధికారులు హెచ్చరిస్తున్నారు.