దుబాయ్‌: కొత్త సంవత్సరం ప్రారంభమైన కొద్ది రోజుల్లోనే ఎలోసియా హెచ్‌ఆర్‌ మేనేజర్‌, ఆసక్తికరమైన విషయాన్ని వెల్లడించారు. తమ సంస్థ బడ్జెటరీ కట్స్‌ని అమలు చేయబోతోందని, తద్వారా నెలవారీ వేతనాల్లో కొంత తగ్గుదల ఉంటుందని ఆమె వెల్లడించారు. మిడిల్‌ ఈస్ట్‌ రీజియన్‌లో 98 శాతానికి పైగా ప్రొఫెషనల్స్‌ ఇప్పుడు ఉద్యోగాల కోసం ఎదురుచూస్తున్నారు. బేయట్‌ డాట్‌కామ్‌ నిర్వహించిన సర్వేలో ఈ విషయాలు వెలుగు చూశాయి. అయితే ఉద్యోగార్థులు, సానుకూల దృక్పథంతో ఉండడం అభినందించదగ్గది. ఇంకో వైపున 55.6 శాతం మంది ఉత్సాహంగా ఉద్యోగాల కోసం ఎదురుచూస్తుండగా, మిగతావారిలో కాస్త నైరాశ్యం కన్పిస్తోంది. జాబ్‌ సైట్స్‌ ద్వారా ఉద్యోగావకాశాలు ఆశించిన స్థాయిలో లభించడంలేదని ఇంకొందరు అభిప్రాయపడ్డారు. ఇంకొందరు మాత్రం జాబ్‌ పోర్టల్స్‌ ద్వారా ఉద్యోగావకాశాలు తేలిగ్గానే లభిస్తున్నాయని అంటున్నారు. తగిన అనుభవంతోపాటుగా, ఉద్యోగాన్వేషణలో చలాకీగా వ్యవహరించడం వంటి వాటిని బట్టి ఉద్యోగాలు లభించడం అనేది ఆధారపడి ఉంటుందని నిపుణులు అంచనా వేస్తున్నారు.