ఒమాన్ లోని మస్కట్ లో కొత్త ఏర్ పోర్టు పనులు సజావుగా సాగుతున్నాయి. కువైట్-మస్కట్ ల మధ్య నడపబడే నాన్-స్టాప్ విమాన సేవల ఆవిష్కరణ సందర్భంగా, డైరక్టర్ జనరల్ ఆఫ్ సివిల్ ఏవిఏషన్ రెగ్యులేషన్స్ కార్యాలయ సేనియర్ అధికారి ఆన్‌వార్ బిన్ అబ్దుల్లా అల్ రైసి మాట్లాడుతూ, కొత్త విమానాశ్రయం యొక్క రన్ వే మరియు అన్ని నిర్వహణా సదుపాయాలు సిద్ధంగా ఉ న్నాయని, కేవలం టెర్మినల్ బిల్డింగ్ మాత్రమే తెరువవలసి ఉందని తెలియజేశారు. సలాలా అంతర్జాతీయ విమానాశ్రయ పనులు ముగిసాయని,   ఇక తాము గడువు సమీపిస్తున్నందున 24 గంటలు  మస్కట్ విమానాశ్రయం  పనులపై దృష్టి సారిస్తున్నామని, ఒకేసారి 5 విమానాశ్రయాలను నిర్మించడం పెద్ద సవాలు అని చెపుతూ, అక్రమ వలస కార్మికులు మస్కట్ ఏర్‌పోర్ట్ లో పనిచేస్తూ దొరికిపోవడం వలన , అనులు కాస్త ఆలస్యమయ్యాయని అంగీకరించారు. తాము మరిన్ని విమానాలు ఇండియాకు నడపడానికి సిద్ధంగా ఉన్నామని, అందుకు తగిన విధం గా ద్వైపాక్షిక,  సీట్ షేరింగ్  ఒప్పందాలను సవరించడానికై విజ్ఞప్తి చేశామని తెలియజేశారు. ఇండియాకు సీట్లను 9,000 నుండి 10,000 కు పెంచడానికి కసరత్తు చేస్తున్నామని వెల్లడించారు. 

--నూనె లెనిన్ కుమార్(ఒమాన్)